Vithey

អ៊ីស្លាម មិនមែនជាសាសនាដែលទើបតែចាប់បដិសន្ធិថ្មីនោះទេ ផ្ទុយទៅវិញ វាគឺជាសាសនាមួយ ដែលមានប្រវត្តិចាប់តាំងពីដើមកំណើតមនុស្សនៅលើផែនដីមកម្ល៉េះ។ សាសនានេះ គឺជាសាសនាពិតតែមួយ ដែលព្រះអល់ឡោះជាម្ចាស់បានមានព្រះបន្ទូល តាមរយៈបណ្ដាព្យាការី ឬអ្នកនាំសាររបស់ទ្រង់ទៅកាន់មនុស្សលោកគ្រប់រូប។ មានប្រជាជនប្រហែល 50% នៅលើពិភពលោក បានជ្រើសយកអ៊ីស្លាមធ្វើជាសាសនា និងបែបផែននៃជីវិតរស់នៅដ៏ពេញលេញរបស់ពួកគេ។ អ្នកកាន់សាសនាអ៊ីស្លាម គោរពសាសនានេះ ព្រោះវាជាសាសនាដែលនាំអោយមានសុភមង្គល ទាំងក្នុងលោកិយនិងបរលោក ជាសាសនាដែលនាំឲ្យសុខសន្តិភាព ក្ដីមេត្តាករុណា និងការអធ្យាស្រ័យ។

មានមនុស្សជាង២០០០លាននាក់ ដែលមកពីជាតិសាសន៍ សញ្ជាតិ និងវប្បធម៌ផ្សេងៗគ្នានៅទូទាំងពិភពលេាក ពីប្រទេសហ្វីលីពីនខាងត្បូង រហូតដល់ប្រទេសនីហ្សេរីយ៉ា បានរួបរួមគ្នាជឿលេីសាសនាឥស្លាម។ មានប្រជាជនអុីស្លាមប្រហែល១៨% ស្ថិតនៅក្នុងពិភពអារ៉ាប់ ប៉ុន្តែសហគមន៍អ្នកកាន់សាសនាអុីស្លាម ដែលធំជាងគេនៅលេីពិភពលេាក មិនមែនស្ថិតនៅក្នុងពិភពអារ៉ាប់នោះទេ គឺស្ថិតនៅក្នុងប្រទេសឥណ្ដូនេសុី និងផ្នែកសំខាន់ៗនៃអាសុី។ បណ្ដាប្រទេសអាហ្វ្រិកភាគច្រេីនក៏ជាប្រទេសកាន់សាសនាអុីស្លាមដែរ ហេីយក្រៅពីនេះ នៅមានសហគមន៍អ្នកកាន់សាសនាអ៊ីស្លាមមួយចំនួនទៀត ត្រូវបានរកឃេីញនៅសហភាពសូវៀត ប្រទេសចិន ប្រទេសអាហ្វ្រិកខាងជេីង និងខាងត្បូង ប្រទេសអាមេរិកខាងត្បូង និងបណ្ដាប្រទេសនៅអឺរ៉ុប។

អ្នកកាន់សាសនាឥស្លាមជឿលើ ព្រះអល់ឡោះ ជាម្ចាស់តែមួយគត់ ជាព្រះដ៏ខ្ពង់ខ្ពស់បំផុត រកអ្វីប្រៀបផ្ទឹមពុំបានឡើយ ជឿលើពពួកទេវតាដែលទ្រង់បានបង្កើត ជឿលើសារហារីរបស់ទ្រង់ ដែលជាអ្នកផ្សព្វផ្សាយព្រះរាជបន្ទូលរបស់ទ្រង់ដល់មនុស្សលោក ជឿលើថ្ងៃកាត់សេចក្ដី ថ្ងៃដែលមនុស្សគ្រប់រូបត្រូវទទួលខុសត្រូវចំពោះសកម្មភាព និងទង្វើនានាដែលពួកគេបានសាង ជឿលើអំណាច ដ៏ពេញរបស់ទ្រង់លើការកំណត់ជោគវាសនារបស់មនុស្ស និងជឿលើជីវិតបន្ទាប់ពីស្លាប់។ អ្នកកាន់សាសនាឥស្លាមក៏ជឿលើសារហារី ឬអ្នកនាំសារជាច្រើនរូបរបស់ព្រះអល់ឡោះ ដែលផ្ដើមឡើងដោយ ណាពី ឬសារហារី អាដាម ហើយក្នុងនោះមាន ណាពី នោហ៍ អ៊ីព្រហ៊ីម អ៊ីស្មាឯល អ៊ីស្ហាក យ៉ាក់កូប យូសូហ្វ ចប ឬអៃយូប មូសា ឬមូសេ ហារ៉ូន ដាវូទ សូឡៃម៉ាន អ៊ីលយ៉ាស់ យូណូស យ៉ះយ៉ា និងអ៊ីសា ឬយេស៊ូ សូមព្រះអល់ឡោះជាម្ចាស់ ផ្ដល់ភាពសុខសាន្តដល់ពួកគេទាំងអស់។ ប៉ុន្តែ សារចុងក្រោយរបស់ព្រះអល់ឡោះជាម្ចាស់ គឺត្រូវបានបញ្ចូនទៅឲ្យបុរសម្នាក់ឈ្មោះ មូហាំម៉ាត់ តាមរយៈទេវតាជីព្រេល ដោយបញ្ជាក់សារឡើងវិញនូវរាល់សារទាំងឡាយ និងជាការបូកសរុប នូវរាល់សារទាំងអស់ដែលទ្រង់បានបញ្ចូនពីមុនៗមក។

ដើម្បីក្លាយជាអ្នកកាន់សាសនាឥស្លាម គឺគ្មានអ្វីលំបាកឡើយ ផ្ទុយទៅវិញ វាជារឿងងាយស្រួលបំផុត គឺគ្រាន់តែពោលពាក្យ និងជឿជាក់ថា៖

គ្មានទេម្ចាស់ដែលត្រូវគេគោរពសក្ការៈដ៏ត្រឹមត្រូវ មានតែព្រះអល់ឡោះ ហើយមូហាំម៉ាត់គឺជាសារហារី ឬអ្នកនាំសាររបស់ព្រះអល់ឡោះ

ឬសូត្រជាភាសាអារ៉ាប់ថា៖

أشهد أن لا إله إلا الله وأشهد أن محمدا رسول الله